Publikimi i formularëve standardë në zbatim të VKM nr. 114, datë 27.2.2026
Autoriteti i Mbikëqyrjes së Lojërave të Fatit (AMLF), në zbatim të Vendimit të Këshillit të Ministrave nr. 114, datë 27.2.2026, “Për krijimin, mbajtjen dhe funksionimin e regjistrit elektronik të personave, për të cilët është vendosur moslejimi për t’u futur në ambientet e lojërave të fatit, në faqe interneti, në aplikacione ose në platformë elektronike, ku mund të luhen lojërat e fatit, sipas kategorisë së licencuar, si dhe rregullat për paraqitjen, shqyrtimin, miratimin, anulimin apo refuzimin e kërkesës për moslejimin e personave për të hyrë në ambientet e lojërave të fatit”, publikon vendimin dhe formularët standardë përkatës.
Vendimi përcakton procedurat për paraqitjen dhe shqyrtimin e kërkesave për moslejimin e pjesëmarrjes në lojërat e fatit, si dhe për anulimin e vendimeve të moslejimit, sipas kushteve dhe afateve të përcaktuara në të.
Dokumentet për shkarkim
1. VKM nr. 114, datë 27.2.2026
Vendimi për krijimin, mbajtjen dhe funksionimin e regjistrit elektronik të personave për të cilët është vendosur moslejimi i pjesëmarrjes në lojërat e fatit.
2. Formulari standard – Model 1
Kërkesë për moslejimin e një personi për t’u futur në ambientet e lojërave të fatit apo në faqe interneti, aplikacione ose platforma elektronike ku mund të luhen lojëra fati.
3. Formulari standard – Model 2
Kërkesë për anulimin e vendimit për moslejimin e një personi për t’u futur në ambientet e lojërave të fatit apo në faqe interneti, aplikacione ose platforma elektronike ku mund të luhen lojëra fati.
Informacion mbi paraqitjen e kërkesave
Sipas VKM nr. 114/2026, kërkesa për moslejim mund të paraqitet nga vetë lojtari ose nga familjarët e përcaktuar në vendim.
Vendimi parashikon paraqitjen e kërkesave nëpërmjet portalit e-Albania. Deri në ngritjen e regjistrit elektronik, kërkesat paraqiten me shkrim.
Kërkesa për anulimin e vendimit të moslejimit mund të paraqitet jo më parë se tre muaj nga data e hyrjes në fuqi të vendimit, sipas kushteve të përcaktuara në VKM.
Për informacion të plotë mbi dokumentacionin, procedurat dhe afatet, të interesuarit duhet t’i referohen vendimit të publikuar.
Autoriteti i Mbikëqyrjes së Lojërave të Fatit