Baste Sportive Online
Baste Sportive Online
Subjekte të licencuara për ushtrimin e veprimtarisë së basteve sportive online, sipas kuadrit ligjor në fuqi.
Nuk ka ende subjekte të licencuara
Kategoria “Baste Sportive Online” u rikthye në kuadrin ligjor me ndryshimet e vitit 2024 në Ligjin nr. 155/2015 “Për Lojërat e Fatit në Republikën e Shqipërisë”, pas një periudhe kur kjo veprimtari ishte e mbyllur. Sipas ligjit, AMLF do të licencojë deri në 10 subjekte për këtë kategori, secili me afat licence 10-vjeçar.
Procesi i licencimit administrohet nga Komisioni i Licencave, sipas fazave të parashikuara në ligj (thirrja, aplikimi, vlerësimi, dhe miratimi final).
Njoftojmë se AMLF nuk ka licencuar ende asnjë subjekt në këtë kategori.
Lista do të përditësohet sapo të ketë licencime të miratuara.
Kujdes nga reklamimet online
“Baste Sportive Online” (kategoria e licencuar sipas ligjit, ende pa subjekte të miratuara) nuk duhet ngatërruar me platformat që reklamohen si “lojëra fati online” në rrjetet sociale. Sipas njoftimit zyrtar të AMLF, asnjë subjekt nuk rezulton i licencuar për kategorinë “Lojëra Fati Online” — çdo ofertë e tillë e hasur online është e paautorizuar dhe mund të raportohet pranë AMLF.