Kompetencat
Autoriteti i Mbikëqyrjes së Lojërave të Fatit – AMLF , është institucioni përgjegjës në varësi të Ministrisë së Financave që rregullon dhe kontrollon veprimtarinë e lojërave të fatit.
Kompetencat kryesore të këtij autoriteti përfshijnë:
- Mbikëqyrja dhe Kontrolli: Monitoron aktivitetin e subjekteve që organizojnë lojëra fati/ lojëra fati promocionale në të gjithë territorin e Republikës së Shqipërisë, duke siguruar që veprimtaria ushtrohet në përputhje me ligjin dhe aktet nënligjore.
- Inspektimi dhe Sanksionet: Ka të drejtë të ushtrojë kontrolle (inspektime) në subjektet e lojërave të fatit dhe të vendosë masa administrative, si gjoba, në rastet kur vëren shkelje të ligjit.
- Çertifikimi i Pajisjeve: Kontrollon dhe çertifikon pajisjet e lojërave të fatit dhe bastet, duke u siguruar që ato përputhen me specifikimet teknike të përcaktuara nga udhëzimet e Ministrisë së Financave.
- Parandalimi i Pastrimit të Parave: Monitoron organizatorët e lojërave të fatit për zbatimin e legjislacionit në fuqi për parandalimin e pastrimit të parave dhe financimit të terrorizmit, duke verifikuar lojtarët dhe pronarët përfitues.
- Verifikimi i Licencave: Kontrollon ligjshmërinë e ushtrimit të aktivitetit, duke përfshirë kazinotë, kazinotë të vendosura në hotel me 5 yje, bastet sportive online, bingo televizive dhe lotari kombëtare.