Programi i Transparencës

Programi i Transparencës Hyrje

Programi i Transparencës i rishikuar, bazuar në urdhrin nr.280 datë 30.12.2025 Për miratimin e Programit Model të Transparencës për Autoritetet Publike. Bazuar në nenin 7 të ligjit nr. 119/2014 Për të drejtën e informimit, i ndryshuar (në vijim LDI), Autoriteti Publik, Autoriteti I Mbikqyrjes së Lojrave të Fatit , (në vijim AMLF) publikon Programin e Transparencës (në vijim PT) sipas modelit të miratuar nga Komisioneri për të Drejtën e Informimit dhe Mbrojtjen e të Dhënave Personale (në vijim Komisioneri). Informacioni në PT publikohet i përditësuar, në cdo rast që pëson ndryshime, duke shënuar edhe datën e përditësimit të fundit. Në PT janë të specifikuara kategoritë e informacionit të detyrueshëm për tu bërë publik pa kërkesë. Informacioni publik pa kërkesë duhet të jetë: i plotë, i saktë, i përditësuar, i thjeshtë në konsultim, i kuptueshëm, lehtësisht i aksesueshëm dhe i pajtueshëm me dokumentet origjinale në posedim të AMLF-së. Gjithashtu, përpara publikimit të informacionit, AMLF vlerëson nësë ka ndonjë kufizim ligjor për publikim. Aktet që përmbajnë rregulla, norma apo kufizime të të drejtave dhe lirive themelore të individit, si dhe me efekt të drejtpërdrejtë për ta, bëhen publike me anë të afishimit apo postimit në faqen zyrtare të internetit, brenda 48 orëve prej miratimit të aktit nga AMLF. Nëse AMLF nuk ka/zotëron informacione pjesë përbërëse të PT, atëherë bën shënimin përkatës (psh: nuk ka informacion, nuk ofron shërbimin, etj,)

Rreth AMLF - së.

Kuadri ligjor rregullator.

E drejta për t’u informuar dhe për t’u ankuar.

Mekanizmat kontrollues dhe monitorues që veprojnë mbi AMLF - në.

Funksionet e AMLF-së • Autoriteti i Mbikëqyrjes së Lojërave të Fatit ushtron këto funksione. a) Licenson nëpërmjet Komisionit të Licencave subjektet që aplikojnë për ushtrim aktiviteti në fushën e lojërave të fatit, sipas kritereve të këtij ligji. b) Kontrollon dokumentacionin e personave fizikë dhe juridikë, të cilët aplikojnë për t’u pajisur me licencë apo që janë pajisur me licencë, si dhe kërkon dokumente dhe prova shtesë në rastet kur e gjykon të arsyeshme. c) Mbikëqyr dhe kontrollon veprimtarinë e subjekteve, që organizojnë dhe ushtrojnë aktivitetin e lojërave të fatit në të gjithë territorin e Republikës së Shqipërisë, në përputhje me legjislacionin për këtë veprimtari dhe aktet nënligjore në fuqi. ç) Monitoron në distancë dhe në kohë reale subjektet e licencuara të lojërave të fatit nëpërmjet Sistemit Qendror të Monitorimit On-line. d) Vendos sanksione në formën e masave administrative në rastet kur vëren shkelje të dispozitave të këtij ligji. dh) Në përputhje me rregullat e përcaktuara në këtë ligj kontrollon dhe verifikon nëse mjetet e lojërave të fatit janë të certifikuara nga subjekte të akredituara në përputhje me legjislacionin në fuqi. e) Miraton pajisjet e lojërave të fatit, sipas specifikimeve teknike, të përcaktuara me udhëzim të ministrit të Financave, të cilat janë të pajisura me certifikata nga subjekte të akredituara. ë) Mbikëqyr dhe kontrollon subjektet e pajisura me autorizim për luajtjen e lojërave promocionale të fatit. f) Mban regjistrin për subjektet, që ushtrojnë këtë veprimtari dhe të sallave të hapura prej tyre në të gjithë territorin e vendit për numrin e automateve/pajisjeve për çdo sallë loje dhe karakteristikat specifike të tyre, numrin e punonjësve dhe kualifikimin përkatës të tyre, numrin e biletave të Lotarisë Kombëtare të hedhura në treg dhe ato të shitura, numrin e shorteve të hedhura nga organizatori i Lotarisë Kombëtare dhe organizatorët e bingos televizive. g) Në rakordim me Drejtorinë e Përgjithshme të Tatimeve dhe me drejtoritë rajonale tatimore, verifikon shlyerjen e detyrimeve tatimore dhe deklarimet mujore të organizatorëve, të parashikuara në pikën 2, të nenit 57, të këtij ligji. gj) Kontrollon e verifikon deklarimet e bëra nga organizatorët pranë AMLF-së, në përputhje me detyrimet për deklarim, të parashikuara nga ky ligj. h) Kontrollon dhe verifikon fitimet e organizatorëve nga lojërat. • Shtypja dhe prodhimi i biletave për lojëra fati, formati dhe mënyra e emetimit të biletës on-line apo forma të tjera të pranimit të pjesëmarrjes në lojën on-line bëhen në përputhje me procedurat, afatet dhe formatet e miratuara me udhëzim të ministrit të Financave, sipas llojit të lojës për të cilën do të 11 përdoren. • AMLF-ja njofton Drejtorinë e Përgjithshme të Tatimeve për të gjitha të dhënat, që kanë lidhje me tatim-taksat.
DETYRAT E KOMISIONI I LICENCAVE Komisioni i Licencave ka këto detyra: a) Përcakton mënyrën, kushtet dhe dokumentacionin e nevojshëm për kryerjen e thirrjes për licencimin e subjekteve të cilat organizojnë lojërat e fatit. b) Vlerëson për subjektet aplikuese përpara shpalljes së fituesit apo për organizatorët nëse ndryshojnë sistemin përputhshmërinë e sistemeve që do të përdoren për kryerjen e aktivitetit të lojërave të fatit “baste sportive online”, sipas përcaktimeve të këtij ligji. c) Administron listat dhe dokumentacionin e vënë në dispozicion nga AMLF-ja të subjekteve që kanë aplikuar për t’u pajisur me licencë për kryerjen e aktivitetit të lojës së fatit;. ç) Vlerëson plotësimin e kushteve në lidhje me pajisjet për marrjen e licencës. d) Shqyrton dhe vlerëson aplikimet për marrje licence. dh) Harton programet e mbrojtjes së të drejtave të lojtarit, që miratohen me udhëzim të përbashkët të ministrit përgjegjës për financat dhe ministrit përgjegjës për çështjet sociale. e) Mbikëqyr zbatimin e programeve të mbrojtjes së të drejtave të lojtarit. ë) Kryen funksionin e sekretariatit të Këshillit të Mbështetjes së Projekteve. f) Miraton rregulloren e lojës së fatit që propozohet nga organizatori. g) Miraton standardet e specifikimeve teknike për pajisjet e lojërave të fatit, sipas parashikimeve të këtij ligji. gj) Miraton rregulloren në lidhje me standardet, formën dhe mënyrën e publikimit/transmetimit të publicitetit të lejuar të lojërave të fatit nga ana e organizatorëve të lojërave të fatit në medien online apo ato audiovizive. h) Autorizon subjektet për të zhvilluar lojë fati promocionale – jackpot. i) Miraton listën e turneve të lojërave në kazino. j) Miraton rekomandimet periodike të nxjerra nga plani i veprimtarisë së inspektimeve të AMLFsë. k) miraton kryerjen e auditimeve të sistemeve dhe/ose të performancës së veprimtarisë së organizatorëve të lojërave të fatit, të entiteteve të autorizuara nga AMFL-ja, sipas detyrave të objektit të auditimit të përcaktuara nga Komisioni, nga auditues ligjor dhe/ose teknik, të pavarur, vendas apo të huaj, të emëruar në aktin e auditimit. Gjithashtu Komisioni i Licencave: l) Harton raportin vjetor të veprimtarisë së tij, pjesë integrale e të cilit është edhe raporti i monitorimit për përdorimin e fondit të posaçëm në përputhje me qëllimin dhe termat e projektit. ll) Kryen funksione të tjera të parashikuara nga ky ligj apo ligje të tjera.
Kërkesa për informim: Bazuar në Ligjin nr. 119/2014 “Për të Drejtën e Informimit”, i ndryshuar, (shtuar pika 6, me ligjin nr.78, datë 21.9.2023): Kërkesa për informim bëhet me shkrim dhe dërgohet dorazi, me postë ose me postë elektronike, duke paraqitur saktë identitetin e kërkuesit dhe nënshkrimin e tij. Kërkesa për informim duhet të përmbajë: a) Emrin dhe mbiemrin e kërkuesit; b) Adresën postare ose elektronike ku kërkohet të dërgohet informacioni; c) Përshkrimin e informacionit që kërkohet. d) Formatin në të cilin preferohet informacioni; e) Çdo të dhënë që kërkuesi gjykon se mund të ndihmojë në identifikimin e informacionit të kërkuar. Në qoftë se kërkesa për informim nuk e përcakton formatin në të cilin kërkohet informacioni, ai jepet në mënyrën më të efektshme dhe me koston më të ulët për autoritetin publik. Përjashtimisht, kërkesat për njohjen me informacionin arkivor të ruajtur në arkivat e përhershëm trajtohen në përputhje me ligjin nr. 9154, datë 6.11.2003, “Për arkivat.”. Afati për marrjen e informacionit: – Autoriteti publik trajton kërkesën për informim, duke parashtruar informacionin e kërkuar sa më shpejt që të jetë e mundur, por jo më vonë se 10 ditë pune nga dita e dorëzimit të saj, përveç rasteve kur ligji i posaçëm parashikon ndryshe. – Kur autoriteti publik që merr kërkesën për informim ia dërgon atë një autoriteti tjetër, ai kthen përgjigje jo më vonë se 15 ditë pune nga dita e mbërritjes së kërkesës në autoritetin e parë. – Afati i parashikuar në pikat 1 dhe 2, të këtij neni, mund të zgjatet me jo më shumë se 5 ditë pune për një nga shkaqet e mëposhtme: a) nevoja për të kërkuar dhe shqyrtuar dokumente të shumta e voluminoze; b) nevoja për t’i shtrirë kërkimet në zyra dhe mjedise që janë fizikisht të ndara nga zyra qendrore e autoritetit; c) nevoja për t’u konsultuar me autoritete të tjera publike përpara marrjes së një vendimi për plotësimin ose jo të kërkesës. Vendimi për zgjatjen e afatit i njoftohet menjëherë kërkuesit. – Në çdo rast, mostrajtimi i kërkesës për informim brenda afateve të sipërpërmendura do të konsiderohet refuzim. – Dispozitat e këtij neni zbatohen edhe për njohjen me informacionin arkivor të ruajtur në arkivat në veprim.
Të dhënat e kontaktit të institucionit: E-mail: info@amlf.gov.al

Informacion mbi buxhetin dhe të dhënat financiare të AMLF - së.

Informacion për procedurat e prokurimit/procedurat konkurruese të koncesionit/partneritetit publik privat.

Shërbimet që ofrohen nga AMLF.

Procedurat/mekanizmat për të dhënë mendime lidhur me procesin e hartimit të akteve ligjore/nënligjore, politikave publike apo në lidhje me ushtrimin e funksioneve të AMLF -së.

Sistemi i mbajtjes së dokumentacionit, llojet dhe format e dokumenteve.

Regjistri i kërkesave dhe përgjigjeve.

Ndihma shoqërore/subvencione të dhëna nga AMLF.

Informacione/dokumente që kërkohen më shpesh dhe ato që gjykohen të dobishme për publikim nga AMLF.